Nochdem i jo ez scho e ganzes ziitli nüme gschriebe ha, hani denkt, i mue mol wieder e lebeszeiche vo mir geh. Damol halt uf schwizerdütsch, will da chli schneller goht^^.
Mer hend jo dä powerwalk gha i dä schuel und mer hends üs würkli gmüetlich gmacht. Nöd zur Freud vo gwüssne andere, aber zur eigene Zfriedäheit hets glanget. Usserdem hemmer doch e paar Interviews dezue chöne füehre und da het zum Teil doch zu ussergwöhnliche Antworte gfüehrt ;-). Zum Bispiel, dass dä Powerwalk vome Mister Power erfunde worde isch und dass eim bi Argentinie „Wärmi, Fuessball und Südamerika“ ifalled. Au hemmer no us zueverlässiger Quellä erfahre, dass di eigne Landslüüt di spanische Fuessballspieler nöd für „di beschte vo dä Welt“ haltet. (trifft natürli nöd uf alli zue, aber mir hend do doch en Spanier i dä Schuel, wo irgendwie nöd a sis Team glaubt….??)
A dere Stell wötti üsne liebe Lehrer no ganz herzlich für ihri Statements dankä! Si hend für Unterhaltig gsorgt!
Denn no e Wort zu üsem FC. Dem gohts jo würkli nöd grad blendend und i cha mi au nöd für dä einti (us minere Sicht gstohlene) Punkt us Luzern begeistere. Do frogt mer sich langsam, wa denn Schuld isch, dass üsen FC plötzli am Tabelläendi stoht. Het mer s vilicht au chöne verhindere? Wer isch dä Uslöser gsi? Isch es würkli nur dä Weiler oder sött mer villicht au überdenke, dass mer doch zvill Argentinier im Team hend und sich da schlussendlich negativ ufs Team uswirkt?? I bitt eu, do eui Gedanke i Form vome Kommentar niederzschriebe, wenn ehr Luscht hend, eu z üssere.
I persönlich freu mi jo scho ufd EM und natürli ufd Teams, wo döt teilnehmed. Vor allem bin i ufs Resultat vo dä Gruppä B gspannt. I hoff natürli uf d Bravehearts und d Les Bleus. S Spitzespiel Schottland geg Italie wird usschlaggebend si und i hoff nur, d Schotte ziehnd ihri Erfolgssspur witer und zeiged au em Weltmeister, wie mer mit Liidäschaft spielt!
Jo, da wärs mol gsi für hüt und i meld mi sicher wieder mol. Allerspötestens a dä EM ;-). Denn werdi nämli ganz klar meh postä und versueche, d Euphorie sowie di negative Emotione do witerzgeh.
Bis denn und greeeeeeetzz euä Pulga
Abonnieren
Kommentare zum Post (Atom)
3 Kommentare:
jaja.. niggi .. üsen powerwalk...energy drink..XD.. scheiss uf de rechi er isch so blöd er het kei ahnig.. schad hemo mit par andere gwüssi lehrer kei interwive gmacht..
und no was zu fcsg die sind eifoch nur scheisse worde (nix gege fcsg.. selber mendes fan(k.a wie mo da schribt aber er isch geil))..
und EM da wird echt geil
alsoo greatzz blondi
fuck, nata, pass uf wad i mim blog über lehrer schriebsch! diä lesed da vilicht, will dä scheiss blog mit em klasseblog verbunde isch.. aso pass uf, isch guät?? und üsi st.galler sind nöd scheisse! si hend nu e tüüf.. da isch alles... meh oder weniger..und EM: nicht zu teuer^^
greeetzz pulga
hey, zämä!
powerwalk isch eifach s geilste gsii...tjaah...wa söli sege? fcsg...dezue fallt mer nu: gurketruppe i:P
und EM...i bi molwiider voll ifallslos bi so sachhee...aber powerwalk isch echt geil gsi! trotz dä drohige:P...und dä chälti...und dä m und ms...aber d poke-i isch geil gsi, i hoff er wüssed wa i mein...;)
grüessli (i bi di einzig wo sich uf schwiizerdütsch verabschiidet)cookie
Kommentar veröffentlichen